2026–2028 жылдарға арналған бағдарламалық-нысаналы қаржыландыру конкурсына өтінімдер беру жөніндегі семинар өтетінін хабарлаймыз!

Қазақстан Республикасы Ғылым және жоғары білім министрлігінің Ғылым комитеті (бұдан әрі – Ғылым комитеті) ғылымды дамытудың басым бағыттары бойынша 2026–2028 жылдарға арналған ғылыми және ғылыми-техникалық бағдарламаларға бағдарламалық-нысаналы қаржыландыру конкурсының өткізілетінін хабарлайды.

Конкурс төмендегі басым бағыттар бойынша жүзеге асырылады:

• Экология, қоршаған орта және табиғатты ұтымды пайдалану;

•Энергия, озық материалдар және көлік;

• Озық өндіріс, цифрлық және ғарыштық технологиялар;

• Елдің зияткерлік әлеуеті;

• Өмір және денсаулық туралы ғылым;

• Агроөнеркәсіптік кешенді тұрақты дамыту;

• Ұлттық қауіпсіздік және қорғаныс, биологиялық қауіпсіздік.

Конкурстық құжаттама, өтінімдерді ресімдеу тәртібі мен қатысу шарттары бойынша түсіндіру жұмыстарын жүргізу мақсатында Ғылыми-зерттеу қызметі бөлімі офлайн және онлайн форматта кездесу ұйымдастырады.

Күні: 13 ақпан

Уақыты: 16:00

Өтетін орны: Бас ғимарат, Ғылыми кеңес залы

Кездесу барысында Ғылым және коммерцияландыру департаментінің директоры Арман Қабдушев қатысушылардың барлық сұрақтарына толық әрі нақты жауап береді.

Баршаңызды белсенді қатысуға шақырамыз!