Дулати университетінің Ғылым және коммерцияландыру департаменті Коммерцияландыру бөлімінің сүйемелдеуімен «Жаратылыстану ғылымдары» факультеті «Биология» кафедрасының меңгерушісі, биология ғылымдарының кандидаты, қауымдастырылған профессор Гүлнәр Зияева ҚР Ғылым және жоғары білім министрлігінің 2025–2027 жылдарға арналған ғылыми және ғылыми-техникалық қызмет нәтижелерін коммерцияландыру байқауында 350 миллион теңгелік грантқа ие болды!

М.Х.Дулати атындағы Тараз университетінің Басқарма мүшесі – әлеуметтік-мәдени даму жөніндегі проректор Аслан Еділханұлы «Ұлттық құрылтай» барысында көтерілген басым бағыттарды талқылау мақсатында белсенді студенттермен кездесу өткізді.

Университет қабырғасында «Бірлігіміз жарасқан» интеллектуалды ойыны өтті. «10ted.kz» ұйымының ұйымдастыруымен өткізілген шараның мақсаты - дарынды жастарды анықтау, олардың танымдық қызығушылықтарын ояту арқылы білім деңгейін көтеру. Интеллектуалды ортаны қалыптастыру, жастар арасында ораторлық мәдениетті қалыптастыру бағытында ұйымдастырылған сайысқа 7 команда қатысты.

Қазақстан Республикасы Білім және Ғылым министрлігінің 2011 жылғы 31 наурыздағы № 127 бұйрығымен бекітілген «Дәрежелерді беру қағидаларының» 33 бабына Л.Н.Гумилев атындағы Еуразия ұлттық университетінің 2024 жылғы 29 тамызда бекітілген «Л.Н.Гумилев атындағы ЕҰУ диссертациялық кеңесі туралы ережесінің» 7.8 бабына сәйкес М.Х. Дулати атындағы Тараз университетінің қызметкері Ұлпан Сәменқызына «8D02314 – Әдебиеттану» білім беру бағдарламасы бойынша философия докторы (PhD) дәрежесі берілді.

Университет қабырғасында Ұлттық құрылтайдың IV отырысындағы тапсырмаларды жүзеге асыру бойынша Қазақстан Республикасы Президентінің кеңесшісі Мәлік Отарбаев университеттің  профессор-оқытушылар құрамымен және студенттермен кездесті.