Өнер қырандары театрымен мазмұнды сұхбат өтті. Кездесу барысында театр ұжымы шығармашылық жолы, бүгінгі жобалары мен алдағы жоспарлары туралы кеңінен әңгімеледі.

Университетімізде Аян Өтепбергеннің қатысуымен «Қазіргі медиа: жаңа мүмкіндіктер мен тәжірибелер» атты ашық кездесу өтті. Шараға түрлі курс студенттері қатысып, спикер заманауи медиа трендтері, контент жасаудың тиімді әдістері және шығармашылық ізденістің маңызы туралы айтты.

"Поэзия падишасы - Фариза"атты 2курс МТҚ тобының студенттерінің қатысуымен сахналық композициялық қойылым көрсетілді. Қойылымда ақын Фаризаның шығармалары мен әндерінен  инсценировка құрастырылды.  Фаризаның рөлінде Терекбаева М, Мұқағали рөлінде Үсен Ж, Бақыт рөлінде Тұрсынбай Р сомдап, актерлік шеберліктерін кәсіби тұрғыда кқрсете білді.

ҰОС жеңісін 80 жыл толуына орай, А.Исмайлова және С.Қасымбектің "Әлия"тарихи драма қойылымы қойылды.  Қойылым мақсаты- сұрапыл соғыс жылдарындағы қайсар рухты ата апаларымыздың ерліктерін өскелең ұрпаққа насихаттау.

Ш.Айтматов және Р. Отарбаевтың "Шыңғысхан"әпсәна қойылымы қойылды. Бұл қойылым Шыңғысханның жүріп өткен жолын баяндайды және жастарға айтары мол Қайсарлықпен шыдамдылықты және ақыл парасатты насихаттайды.

- 2025 жыл сәуір айында  Мектеп жасына дейінгі балаларды тәрбиелеу мен дамытуға арналған «Мектепке дейінгі білім: Жамбыл педагогтарының тәжірибесі» атты республикалық ғылыми-практикалық конференция өтті.

2025 жыл сәуір айында М.Х.Дулати атындағы Тараз университетінде профессор, педагогика ғылымдарының кандидаты, Сағымбекова Пернайым Сағымбекқызының 80 жылдық мерейтойына арналған «Ғылыммен өрілген ғұмыр» атты республикалық шығармашылық кеш өтті.

17.02.2026ж.

Университетте білім беру бағдарламасын әзірлеуші мектептермен байланыс - бұл жай ғана формалдылық емес, бәсекеге қабілетті, заманауи маман даярлаудың маңызды тетігі. Теория мен практиканы ұштастыру, жұмыс берушілермен тұрақты байланыс орнату – «университет–мектеп» сабақтастығының берік негізі.

17 ақпан күні «Мектепке дейінгі және бастауыш білім беру» кафедрасы Жамбыл облысы әкімдігінің білім басқармасы Тараз қаласының білім бөлімінің Намазбай Ақшабаев атындағы орта мектебі-мен бірлесіп «Бастауыш мектепте білім сапасын арттырудың тиімді жолдары» атты ғылыми-әдістемелік семинар өткізді.

Ұйымдастырушылар: кафедра меңгерушісі, PhD доктор Сманова А.А., аға оқытушылар Спаналиева Г.Т., Шынтаева Н.А. Семинардың басты мақсаты – теория мен практика арасындағы алшақтықты жою. Университет оқытушылары ғылыми зерттеулер мен заманауи педагогикалық тәсілдерді ұсынды. Мектеп мұғалімдері сыныптағы нақты тәжірибелері мен өзекті сұраныстарын ортаға салды. Осындай бірлескен іс-шаралар білім сапасын арттыруға, болашақ педагогтердің кәсіби құзыреттілігін нығайтуға және тәжірибелік бағыттылықты күшейтуге мүмкіндік береді.